ғарыштық ұрыс құралдары

(Космичекие средства борьбы)

жаңа стратегиялық қарулар, олардың құрамына ұшқышты, ұшқышсыз ұшу аппараттары кіреді. Ол соғыс мақсатында ғарыш кеңістігінде ядролық қару тасушы ретінде қолданылады, сондай-ақ барлау жүргізуге, ғарыштық ұшу аппараттарын, байланысты, басқару және радио арқылы қарсы әрекеттерін жоюға арналған. АҚШ-та Ғ.ұ.қ. ретінде әр түрлі жасанды жер серіктері мен ғарыш кемелерін, оның ішінде ракетамен қаруланған бомбалаушы серіктерді, ғарыштық ұшқышты (ғарышкерлері бар) бомбалаушыларды, әр түрлі мақсаттағы ракеталар мен арнайы әскери радиоэлектрондық аппараттармен жабдықталған өзге де ұшу аппараттарын қолдануды ойластыруда. Олар ұшқышты маневрлі ғарыш кемелері қарсыластың аумағын барлау, серіктерді орбитада тосып алып, жою міндеттерін орындауға қабілетті болуы тиіс деп есептейді. Америкалық әскери мамандар Ғ.ұ.қ. арқылы қазіргі техникалық құралдардың мүмкіндіктерінен бірнеше есе асып түсетін страте-гиялық міндеттерді шешуге болады деп санайды.